Missa Pro Rege
Introitus. Dómine salvum fac Regem: et exáudi nos in die quá invocavérimus te. Quoniam Rex sperat in Domino: et in misericordia Altissimi non comovébitur. Glória Patri. Dómine
Oratio. Quaesumus omnipotens Deus, ut famulus tuus N. Rex noster, qui tua miseratione suscepit regni gubernacula, virtutum etiam omnium percipiat incrementa; quibus decenter ornatus, et vitiorum monstra devitare, hoster superare, et ad te, qui via, veritas, et vita es, gratiosus valeat pervenire; Per Dominum.
Lectio Epistolae beati Pauli Apostoli ad Timotheum.
Carissimi, obsecro primum fieri obsecrationes orationes postulationes gratiarum actiones pro omnibus hominibus pro regibus et omnibus qui in sublimitate sunt ut quietam et tranquillam vitam agamus in omni pietate et castitate hoc enim bonum est et acceptum coram Salvatore nostro Deo qui omnes homines vult salvos fieri, et ad agnitionem veritatis venire.
Graduale. Domine in virtute tua laetabitur Rex: et super salutare tuum exultabit vehementer. V/ Desiderium cordis ejus tribuisti ei: et voluntate labiorum ejus non fraudasti eum.
Alleluia, Alleluia. V/ Tribuat tibi Dominus secundum cor tuum: et omne consilium tuum confirmet. Alleluia.
Post Septuagesimam, omisso Alleluia et Versu, dicitur:
Tractus . Inveni David servum meum: oleo sancto meo unxi eum. V/ Manus enim mea auxiliabitur ei : et brachium meum confortabit eum. V/ Nihil proficiet inimicus in eo : et filius iniquitatis non apponet nocere ei. V/ Et concidam a dacie ipsius inimicos ejus : et odientes eum in fugam convertam.
Tempore Paschali omittitur Graduale, et ejus loco dicitur: